إعلان : تم الغاء صفحة تحويل الروابط قبل التحميل

أرشيف الموضوعات


نقدم لكم اشهر 30 سؤال تنفيذياً يتم توجيهم  لطلاب ومهندسين مدني فى المقابلات الشخصيه , الاسئله مقدمه من صفحة اكاديمية بناء لشهر رمضان من خلال مسابقة فوزاير هندسيه , تم الاجابه بواسطة م.كريم سيد

قائمة الاسئله التى تم الاجابه عليها 
السؤال الأول:-
--------------
"إيه الفرق بين الميدة و السمل و الشداد من حيث الوظيفه و الأحمال و التسليح و المنسوب ؟"
السؤال الثانى:-
--------------
أكيد كلنا عارفين طبعاً إننا بنقاوم إجهادات الضغط باستخدام الخرسانه و إجهادات الشد باستخدام الحديد.. السؤال بقى.. "ليه بنحط حديد تسليح في الأعمدة مع أنها معرضه لقوى ضغط و ليس قوى شد؟"
السؤال الثالث:-
--------------
ليه بنصب الخوازيق أعلى من المنسوب اللي محتاجينه بمتر و بعدين نرجع نكسر رؤوس الخوازيق من تاني... ليه مابنصبش فقط الإرتفاع اللي إحنا محتاجينه من الأول على طول..؟
السؤال الرابع:-
--------------
"لو عندنا سقف فلات سلاب سمك البلاطه 25 سم و حديد التسليح المستخدم للشبكه العلويه قطر 12 مم و للشبكه السفليه قطر 16 مم - إحسب ارتفاع الكرسي...؟ "
السؤال الخامس:-
--------------
"فاصل الصب في الخرسانه بيكون عند الزيرو شير ولا عند الزيرو مومنت..؟ و ليه..؟
السؤال السادس :-
--------------
"حديد الفرش بيكون في الإتجاه القصير ولا الإتجاه الطويل لكل من (القواعد المنفصله- القواعد المشتركه- اللبشه- البلاطات السوليد سلاب- البلاطات الفلات سلاب)؟
السؤال السابع:-
--------------
"هل محاور المبنى (الأكسات) تكون في منتصف (القواعد أم الأعمدة أم الحوائط)؟"
السؤال الثامن:-
-------------
" يعني إيه المصطلحات دي في الموقع: (ضفدعه- عصفورة- خنزيرة- حمار- حصان- رجل غراب- ديل يمامه- ظهر حيه- جمل- سمكه- نحله- فراشه- فارة- سنجابي- بلبل) ؟ "
السؤال التاسع:-
--------------
"إمتى تكون كمرة داخليه في سقف تسليحها الرئيسي فوق و الثانوي تحت..؟"
السؤال العاشر:-
--------------
" إزاي بنظبط بياض محارة الأعمدة الدائريه..؟ "
السؤال الحادى عشر:-
--------------
" هل ينفع نوصل أشاير العمود في منتصف إرتفاع العمود ولا لأ؟ و ليه؟ "
السؤال الثانى عشر:-
--------------
"احسب طول السيخ المستخدم لعمل كانه لكمره 70* 25..؟ "
السؤال الثالث عشر:-
--------------
" ليه بنعزل مباني قصه الردم..؟ "
السؤال الرابع عشر:-
--------------
" إيه الفرق بين:
Pre stressed concrete, Pre-cast concrete, Pre Tension concrete, Post tension Concrete.؟ "
السؤال الخامس عشر:-
--------------
" إيه السبب اللي بيخلي شروخ سطحيه تظهر على سطح خرسانه الأسقف تاني يوم الصب..؟ "
السؤال السادس عشر:-
--------------
"أرجل أشاير الأعمدة داخل القواعد.. الصح تكون إتجاها لجوه ولا لبره...؟ "
السؤال السابع عشر:-
--------------
"إيه الفرق بين فواصل الهبوط و فواصل التمدد و فواصل الإنكماش و فواصل الصب...؟"
السؤال الثامن عشر:-
--------------
"إيه الأفضل في عزل الأسطح... إن يكون عزل الرطوبه تحت و عزل الحرارة فوق ولا عزل الحرارة تحت و عزل الرطوبه فوق..؟ "
السؤال التاسع عشر:-
--------------
"إيه أقل مدة زمنيه لفك الشده الخشبيه لللأسقف الخرسانيه..؟ "
السؤال العشرون:-
--------------
" ما قيمه أكتر ميل مسموح بيه لعمود خرساني إرتفاعه 3 متر وفقاً للكود المصري..؟ "
السؤال الحادى والعشرون:-
--------------
"ليه بنعالج الخرسانه بالمياه بعد الصب...؟"
السؤال الثانى والعشرون:-
--------------
" يعني إيه مصطلحات البياض دي (بياض ممسوس- بياض متخشن- بياض مخدوم- بياض متربي- بياض معضم- بياض مفوش- بياض مطبل- بياض مقتول- بياض منمل- بياض مشعر- بياض مطقطق- بياض مملح- بياض مزهر- بياض ممشط- بياض مزنبر)...؟ "
السؤال الثالث والعشرون:-
--------------
" إحنا بنعزل الأرضيه الخرسانيه للدور الأرضي عشان المياة الجوفيه ماتطلعش لفوق في الدور الأرضي ولا عشان مايحصلش تسريب من مياة الدور الأرضي للأساسات..؟
السؤال الرابع والعشرون:-
--------------
"إيه الفرق بين الكمرة الساقطه و الكمرة المقلوبه و الكمرة المدفونه من حيث الوظيفه و التصميم و التنفيذ...؟
السؤال الخامس والعشرون:-
--------------
"بالنسبه للسملات بنوصل الحديد العلوي فين و بنوصل الحديد السفلي فين...؟"
السؤال السادس والعشرون:-
--------------
" إيه الفرق بين السيراميك و البورسلين و الفرق بين الرخام و الجرانيت.؟ "
السؤال السابع والعشرون:-
--------------
" إيه أقصى حمل رأسي يقدر يشيله عمود خرساني قطاعه 30*60 و تسليحه 8 فاي 16 و الخرسانه المستخدمه إجهاد 300 كجم/ سم مربع...؟ "
السؤال الثامن والعشرون:-
--------------
" إيه الأماكن المسموح فيها بوصل حديد التسليح للشبكتين العلويه و السفليه في الفلات سلاب و اللبشه..؟ "
السؤال التاسع والعشرون:-
--------------
" إيه الفرق بين مقاس حطه الأشاير و مقاس حطه النجارة للأعمدة..؟ "
السؤال الثلاثون:-
--------------
" إمتى بنستخدم الطوب الطفلي (الأحمر) و إمتى بنستخدم الطوب الأسمنتي (الرمادي) في أعمال المباني..؟ "








فيه حوار بدأ يينتشر الفتره ال فاتت عن امتحان اسمه FE وان النقابه بدأت تعتمد الامتحان ده وخلال فتره هيكون اجباري تمتحنه لو عاوز تتسجل فى النقابه , مصدر الكلام دهhttp://goo.gl/vwrpgK
وكمان ظهر كلام ان ال عاوز يسافر السعوديه مش هيعتمد هناك كمهندس الا لما ياخد الامتحان ده كمان , المصدرhttp://goo.gl/rItu7s

ايه بقي قصة الامتحان ده ؟
===========
بأختصار فى جهة امريكيه اسمها "المجلس القومى للأختبارات الهندسيه والمساحيه" NCEES بتعمل امتحانات للمهندسين ال عاوزين يشتغلوا فى امريكا بحيث انك علشان تاخد رخصة انك مهندس مؤهل للشغل فى امريكا (وحاليا المعهد شهرته وصلت لدول كتير زي الخليج) وكده لازم يكون معاك شهادة اسمها PE اختصار لـ Professional Engineer والشهاده دى مش سهله طبعا :D وعلشان تقدر تقدم عليها لازم يضمنوا انك قبل ما تكون محترف علميا وتنفيذياً لازم يكون معاك شهاده تضمن الاول انك مهندس وبعدين نبقى نشوف حوار انك محترف ده , فعملوا شهاده مبدئيه كده اسمها FE اختصار لFundamentals of Engineering ومعناها اساسيات الهندسه , فأنت مهما اتخرجت من اى بلد , مصر , امريكا ,كوالا لمبور , المعهد ده بيعترف بيك كمهندس معاك الاساسيات لو قدرت تنجح فى الامتحان ده وتعدى فيه.
يعنى هو بيعتبر معيار عام لكل المهندسين ان عندهم نفس الاساسيات ال لازم تكون عند اى مهندس,وبعدين بقى البرنس ال عاوز يشتغل فى امريكا او عاوز يشتغل فى شركة نضيفه فى الخليج يكمل ويدخل امتحان تاني متعمق جداً فى التخصص وياخد شهاده PE بل وان فيه شهادات تانيه اكتر تخصص زي لو انت عاوز تبقى Structural Designer لو انت مدني وده موضوع اكبر حبتين
وعموماً , تقدر تعرف تفاصيل اكتر من الموقع الرسمي 
http://ncees.org/
ودى صفحة معلومات الامتحان نفسه من الموقع الرسمي 
http://ncees.org/engineering/fe/
المهم , يعنى دلوقت تقدر تتساوى بخريج جامعات نضيفه جداً من بلاد بره لو قدرت تاخد شهادة الـ FE دى , طيب ايه بقى تفاصيلها ؟ يعنى هتمتحن ف ايه وتكاليفها كام وامتحانها فين ؟

طيب تمام , الامتحان ده عباره عن ايه بقى ؟
--------------------------------------
الامتحان يا سيدي عباره عن 110 سؤال متعدد الاختيارات (multiple-choice) ومدة الامتحان كلها 6 ساعات بيصفوا على 5 ساعات و20 دقيقه دول وقت الامتحان نفسه والباقي بيكون بريك وتجهيز للأمتحان
طيب ال 110 سؤال ده هيكونو فى ايه بالظبط ؟ 
تقدر تعرف عدد الاسئله فى كل ماده من مواد التخصص من اللينك ده 
http://ncees.org/engineering/fe/
فى الجزء الخاص بـ Exam specifications فمثلا الجزء الخاص بالرياضه لأمتحان مدني عليه من 7 لـ 11 سؤال من الـ 110 سؤال وهكذا 

طب ايه هي المواد ال همتحن فيها دى ؟
-----------------------------------
لو انت مدني || فالموضوع بسيط هما 18 ماده بس :D , والمواد الرئيسيه هي : رياضه واحصاء وخرسانه واستراكشر وسويل ونقل وبيئيه وانشاء وماتريال وفلويد وهيدروليك واقتصاد وميكانيكا وديناميكا 
ولكل تخصص ليه المواد بتاعته وتقدر تعرف المواد وتقسيمة الاسئله ال هتكون فى كل ماده من اللينك ال فات 
http://ncees.org/engineering/fe/ 
حمل الفايل الخاص بمجالك 

والمفروض ان كلها مواد المفروض عدت عليك يعني خلال الدراسه فكل ال انت هتعمله انك هتراجع على المحتوى بتاع كل ماده من خلال مراجع معينه هتلائيها تحت وبعدين تدرب نفسك ع الامتحان ومسائل وكده وبعدين تدوس فى الحوار وربنا يكرمك 
وعموما متقلقش, الامتحان كده كده بيكون اونلاين وبيكون كمان على الجهاز ال بتمتحن عليه نسخه PDF من كتاب فيه كل المعادلات والقوانين ال فى المواد المختلفه , يعنى مش محتاج تحفظ اى حاجه , طالما انت فاهمها , وعارف تجيب المعادله من الكتاب المساعد
والكتاب المساعد ده متاح اونلاين وتقدر تنزله عادي لو عملت اكاونت على موقع NCEES
وبعدين اضغط على اللينك ده
https://account.ncees.org/fe-handbook-9-4
او هتلائي نسخه اقدم شوية فى لينك المراجع ال تحت

طيب اذاكر منين ؟
---------------------
اللينك ده فيه كل المراجع ال هتحتاجها علشان تذاكر وتراجع للأمتحان ايا كان تخصصك
https://goo.gl/H2snVl
وتقدر تتابع على جروبات متخصصه كمان وتشوف الناس ال بتذاكر ولو عند اسئله وكده
والجروب ده لكل التخصصات 
https://goo.gl/E2W6Lp
ولو انت مدني 
https://goo.gl/rcIWVe

وتقدر تعرف بردو تجارب ناس امتحنت , دى تجربة مهندس ميكانيكا
https://goo.gl/nkzcfc

طيب ايه هى تكاليف الامتحان ؟ وهمتحن فين وامتى ؟
---------------------------------------------
مبدئياً قبل ما نتكلم فى الماديات , زمان كان لازم علشان تقدر تدخل الامتحان تعمل معادله بين عدد ساعات المواد ال انت درستها فى كليتك وبين عدد ساعات معينه هما محددينه لازم تكون عديته وكنت بتعمل المعادله دى مع نفسك والموضوع بياخد وقت وفلوس كتير , ولسه مضطر تعملها لو ناوي تكمل فى الـ PE او لو انت مش مسجل فى نقابة المهندسين

بس دلوقت نقابة المهندسين المصريه عملت تعاون مع الـ NCEES لغوا موضوع المعادله ده لأمتحان الـ FE وبقيت مطالب تدفع مصاريف الامتحان بس 
ال هما 250$ او ما يعادلهم بالمصري , وتعاملك كله فى المصاريف بيكون مع نقابة المهندسين وتقدر تعرف الخطوات بالتفصيل من هنا عن طريقة التقديم واماكن الامتحان ومواعيده
https://goo.gl/JEIOM7

المراجع 
https://en.wikipedia.org/wiki/Fe

كل اللينكات ال فاتت منقوله من جروبات مختلفه , شكراً للناس ال ساهمت فى نشرها


بالتوفيق ^^
كريم سيد